អតិថិជនជាទីគោរព

ក្នុងកំឡុងឆ្នាំ២០២០ ការរីករាលដាលនៃជំងឺកូវីដ១៩ បានបង្ហាញពីភាពមិនប្រាកដនៃសេដ្ឋកិច្ចសកលដែលបានបង្ករអោយមានការប៉ះពាល់ជាខ្លាំងទៅលើ ពាណិជ្ជកម្ម និងការរស់នៅរបស់មនុស្សលើពិភពលោក។ ជាមួយគ្នានេះដែរវាក៏បានផ្តល់នូវឱកាសដ៏ប្រពៃដើម្បីពង្រីកប្រព័ន្ធធនាគារបែប ឌីជីថល គឺកម្មវីធី SOL របស់យើងដែលជាកម្មវិធីដំណើរការលើប្រព័ន្ធប្រតិបតិ្តការក្នុងទូរស័ព្ទដៃ ហើយដែលបានដើរតួរយ៉ាងសំខាន់ដើម្បីបំពេញតម្រូវការ ដ៏ចាំបាច់របស់ អតិថិជនក្នុងកំឡុងពេលរីករាលដាលនៃជំងឺកូវីដ១៩ ហើយរួមទាំងជួយបង្កើនការរីកចម្រើនរបស់យើងនៅក្នុងបរិបថន៏នៃបម្រែបម្រួល ប្រព័ន្ធឌីជីថលនេះ។ ជាមួយនឹងការផ្សព្វផ្សាយប្រព័ន្ធប្រតិបតិ្តការហិរញ្ញវត្ថុ (Untact) ដ៏សំបូរបែបនេះ ធនាគារស៊ិនហាន (ខេមបូឌា) បានខិតខំចូលរួម យ៉ាងសកម្មនៅក្នុងការដាក់ចេញនូវវិធីសាស្ត្រនៃការទូទាត់ប្រាក់តាមបែបអេឡិចត្រូនិច ដើម្បីជួយទប់ទល់នូវបញ្ហាជម្ងឺរាតត្បាតជាសកលនៃមេរោគកូវីដ១៩ នេះ ហើយយើងក៏បានចូលរួមសហការជាមួយអាជ្ញាធរមានសមត្ថកិច្ចក្នុងតំបន់តាមរយ:ការចូលរួមបរិច្ចាក និងគោរពតាមវិធានការនានាដើម្បីឲ្យប្រាកដថា ជម្ងឺរាតត្បាតជាសកល នេះត្រូវបានដោះស្រាយបានយ៉ាងសមរម្យបំផុត។

ទោះបីជាបញ្ហាប្រឈមនៅកំពុងតែបន្តកើតឡើងដោយសារការផ្ទុះរីករាលដាលនៃមេរោគកូវីដ១៩នេះក្តី ធនាគារយើងបានចាត់ទុកឆ្នាំ២០២០ ជាឆ្នាំ ដ៏ជោគជ័យមួយដែលយើងបានធ្វើដំណើរទៅមុខមួយជំហានទៀតជាមូយនឹងការកើនឡើងនៃទ្រព្យសកម្មសរុបរបស់ធនាគាររហូតដល់ទៅ៦០៥.៩៦

លានដុល្លារនៅដំណាច់ឆ្នាំ គឺកើនឡើងរហូតដល់ទៅ៣៧%បើប្រៀបធៀបជាមួយនឹងឆ្នាំមុន។ លើសពីនេះទៅទៀត គិតត្រឹមដំណាច់ខែមីនាឆ្នាំ២០២១នេះ ពួកយើងបានពង្រីកបណ្តាញរបស់យើងដល់ទៅ១១សាខាដើម្បីជួយសម្រួលដល់អតិថិជនរបស់យើងឲ្យមានភាពងាយស្រួលក្នុងការប្រើប្រាស់ប្រព័ន្ធ

ធនាគារដ៏សំបូរបែបនេះឲ្យកាន់តែប្រសើរឡើងថែមមួយកម្រិតទៀត ។

សមិទ្ធិផលទាំងនេះគឺសុទ្ធតែបានមកពីការគាំទ្ររបស់អតិថិជនយើងទាំងអស់ដែលពេញចិត្ត និងតែងតែជួយជ្រោមជ្រែងផ្តល់ក្តីស្រឡាញ់មកកាន់ ធនាគារស៊ិនហានយើងខ្ញុំ រួមទាំងបុគ្គលិករបស់យើងដែលតែងតែខិតខំប្រឹងប្រែងអស់ពីបេះដូងនិងចិត្តដោយមិនគិតពីភាពនឿយហត់ដើម្បីផ្តល់ជូនអតិថិជន នូវសេវាកម្មដ៏សំបូរបែបដោយឈរលើគោលការណ៍នៃគុណតម្លៃស្នូលរបស់យើងគឺ “អតិថិជនជាចម្បង” ។

ក្នុងនាមជានីតិបុគ្គលពលរដ្ឋដ៏មានទំនួលខុសត្រូវ យើងនឹងរីកលូតលាស់ជាមួយអតិថិជនរបស់យើង ហើយយើងនឹងខិតខំចូលរួមចំណែកក្នុងការ អភិវឌ្ឍសង្គម តាមរយ:បេសកកម្មរបស់យើងគឺ “ពិភពលោករីកចំរើនដោយសារថាមពលហិរញ្ញវត្ថុ” ។

ខ្ញុំសូមឲ្យអតិថិជននៅតែបន្តផ្តល់ទំនុកចិត្តនិងការជួយគាំទ្រមកលើធនាគារស៊ិនហាន (ខេមបូឌា) ម.ក។ ខ្ញុំសូមជូនពរអតិថិជនទាំងអស់ រួមទាំង ក្រុមគ្រួសារ ជួបប្រទះតែសេចក្តីសុខសុភមង្គល និងមានសុខភាពល្អជានិច្ចនិរន្តរ៏។

សូមអរគុណ!

ធនាគារស៊ិនហាន (ខេមបូឌា)ម.ក
ប្រធាននាយកប្រតិបត្តិ
Mr. Kim Nam Soo